Wp/rki/စင်ကာပူ စံတော်ချိန်

စင်ကာပူ စံတော်ချိန် (Singapore Standard Time (SST) (သို့) Waktu Piawai Singapura (WPS) (တရုတ်: 新加坡标准时间)ရေ စင်ကာပူနိုင်ငံတွင် အသုံးပြုရေ စံတော်ချိန်ဖြစ်ပြီးကေ GMT (UTC+08:00) ထက် ၈ နာရီ ရှေ့သို့စောရေ။

သမိုင်းကြောင်း

ဗြိတိသျှ မာလာယုလက်အောက်တွင်ဟိစဉ်က စင်ကာပူနိုင်ငံရေ မလေးရှား စံတော်ချိန်အား အသုံးပြုခပြီးကေ ဂရင်းနစ်စံတော်ချိန်ထက် ၇ နာရီ ၃၀ မိနစ်စောခရေ။

ဂျပန်ရို့ဧ သိမ်းပိုက်ခြင်းကို ခံခရပြီးကေနောက်ပိုင်းတွင် မာလာယုကျွန်းဆွယ်၌ ၁၅ ဖေဖော်ဝါရီ ၁၉၄၂ ခုနှစ်မှစပနာ GMT+9 တွင်ဟိရေ တိုကျို စံတော်ချိန်ကို အသုံးပြုခရေ။ တရားဝင် ထုတ်ပြန်ကြေညာမှုတိကို တိုကျိုစံတော်ချိန်အရ ပြုလုပ်ခကေလည်း စင်ကာပူတွင် မတူညီရေ စံတော်ချိန် ၂ ခုကို အသုံးပြုလျက်ဟိရေ။ စင်ကာပူဟိ အိမ်တိတွင် ၎င်းရို့ သိမ်းပိုက်ခြင်းမခံရမီက စံတော်ချိန်အား အသုံးပြုလျက်ဟိပြီးကေ ၎င်းရို့ဧ လက်ပတ်နာရီတိတွင် တိုကျိုစံတော်ချိန်အား အသုံးပြုကတ်ရေ။

ဒုတိယ ကမ္ဘာစစ်ပြီးကေဆုံးလားပြီးကေ မာလာယုကျွန်းဆွယ်သို့ ဗြိတိသျှရို့ ပြန်လည်ဝင်ရောက်လာချိန်တွင် စင်ကာပူ၌ စစ်မတိုင်မီက အချိန်ဇုန်အား အသုံးပြုခကတ်ရေ။

မလေးရှားနိုင်ငံဧ စံသတ်မှတ်ချက်

၁၉၈၁ ခုနှစ်တွင် မလေးရှားနိုင်ငံတွင် နိုင်ငံဧ နယ်မြေအားလုံး၌ စံအချိန်ဇုန်အဖြစ် သတ်မှတ်ခြင်းအားပြုလုပ်ခပြီးကေ UTC+08:00 အဖြစ်အသုံးပြုရန် ဆုံးဖြတ်ခရရေ။ စင်ကာပူနိုင်ငံရေ ၎င်းရို့ဧ အလုပ်ချိန်တိနန့် ခရီးလားအချိန်တိကို ထိုစံတော်ချိန်အား အသုံးပြုခရေ။ ထိုပြောင်းလဲမှုဧ အကျိုးရေ ၁ ဇန်နဝါရီ ၁၉၈၂ တွင် ၎င်းရို့ စံတော်ချိန်အား နာရီဝက်ရှေ့သို့တိုးခပြီးကေ GMT ထက် ရှေ့သို့ ၈ နာရီစောရေ စံတော်ချိန်အား "စင်ကာပူစံတော်ချိန် (Singapore Standard Time)" (SST) အဖြစ်သတ်မှတ်ခရာ ထိုစံတော်ချိန်ရေ ဟောင်ကောင်၊ တိုင်ပေ၊ ဘေကျင်း၊ မနီလာ နန့် ပါ့သ် စံတော်ချိန်တိနန့် တူညီခရေ။

အသုံးပြုခရေ ကာလ	Time offset from GMT
၁ ဇွန် ၁၉၀၅ – ၃၁ ဒီဇင်ဘာ ၁၉၃၂	UTC+07:00
၁ ဂျန်ဝါရီ ၁၉၃၃ – ၃၁ ဩဂုတ် ၁၉၄၁	UTC+07:20
၁ စက်တင်ဘာ ၁၉၄၁ – ၁၅ ဖေဖဝါရီ ၁၉၄၂	UTC+07:30
၁၅ ဖေဖဝါရီ ၁၉၄၂ – ၁၁ စက်တင်ဘာ ၁၉၄၅	UTC+09:00
၁၂ စက်တင်ဘာ ၁၉၄၅ – ၃၁ ဒီဇင်ဘာ ၁၉၈၁	UTC+07:30
၁ ဂျန်ဝါရီ ၁၉၈၂ - လက်ဟိ	UTC+08:00

ပြင်ပလင့်တိ

• Why is Singapore in the "Wrong" Time Zone?
• Singapore Standard Time Archived 25 December 2012 at Archive.is
• National Metrology Centre Archived 16 December 2013 at the Wayback Machine.