Consuelo Suncin Sandoval Zeceña de Saint –Exupéry[1] nesik ne techan Armenia[2] Sentzunhat[3], tik ne tunal majtakti tik ne metzti nawi tik ne shiwit 1901 (se shikipil kashtul chiknawi tzunti se). Yaja katka tawawasuani wan takawikwiluani, Ne itejtekuwan pujpujpudiente katka. Itejtekuwan ne wey Tapajtiani Félix Suncin wan Ercilia Sandoval Zeceña. Yejemet kipiaket yey insijsiwapíltzin Ana Dolores, Consuelo wan Amanda. Yaya mumachtia katka tik ne ukse tal Estados Unidos, Meshiku[4] wan Francia[5]. Yaja mumachij tik ne tamachtiluyan ka monjas Ursulinas tik ne techan San Francisco keman yaja kipiak kashtul chiknawi shiwit yaja kishmatki achtu Ishulejyu Ricardo Cárdenas. Yaja tanamakani katka. Yaja munamiktij tik ne tunal kashtul tik ne metzti makwil tik ne shiwit se shikipil kashtul chiknawi tzunti se pual ume. Nemahna yejemet muajkawket tik ne chupi metmetzti. Nemahna Ricardo Cárdenas mikik ika ne tupuskwilin wetzki. Yaja isel katka wan kipiak se pual ume shiwit keman yaja yawi katka ka Meshico. Yaja pejki mumachtia kipalewia peroj yaja tesu tamik. Nemahna yaja mumachij tawawasua.
Yaja nemik ka Francia Consuelo munamiktij wan Enrique Gómez Carrillo[6] tatuktiani tik Guatemala[7] wan tawawasuani. Keman yejemet kipiaket majtakti se mejmetzti iwan matrimonioj Enrique Gómez Carrillo mikik ika kimaka se Derrame Cerebral tik ne shiwit se shikipil chiknawi tzunti se pual chikume. Consuelo kipiak se pual makwil shiwit. Kunij yaja nejnemi ka Argentina. [8]
Ka Argentina Tik ne shiwit se shikipil chiknawi tzunti se pual majtakti se yaja kishmatki ka Antoine Saint –Exupéry[9] pal inkumpa Benjamín Crémieux. Saint –Exupéry tawawasuani, piloto wan tatuktiani ka compañía aeropostal ka Argentina. Consuelo munamiktij wan Antoine Saint –Exupéry tik ne Francia. Ka matrimonioj katka kashtul shiwit peroj Antoine kipiak iijichtaka isijsiwaw Kunij Antoine mutekitilia katka ne rosa tik ne El Principito. Consuelo mikik tik ne Grasse[10] Francia ika kipia asmaj tik ne tunal se pual chik yey tik ne metzti makwil tik ne shiwit se shikipil chiknawi tzunti yey pual kashtul ume.