Beatoj Rutilio Grande García[1] S.J. nesik tik ne techan El Paisnal[2] Kuskatan tik ne tunal makwil tik ne metzti chikume tik ne shiwit se shikipil chiknawi tzunti se pual chikyey. Yaja katka ne Palej Yaja tzinpe katka ka Salvador Grande (yaja wey tatuktiani tik ne techan) wan Cristina García (inan mikik keman yaja kipiak katka nawi shiwit). Ne itejtekuwan pujpujpudiente katka. Inoya kiskalia katka. Ne inoya sujsul catolicaj. Keman Beatoj Rutilio Grande García, S.J. piltzín katka yaja kimatki ne wey palej Luis Chávez wan González.[3]
Yaja kalak ne shiwit se shikipil chiknawi tzunti ume pual se ne seminario San José de la Montaña tik ne metzti se tik ne shiwit se shikipil chiknawi tzunti ume pual se. Yaja katka tamachtiani tik ne seminarioj San José de la Montaña nemahna yaja katka tatuktiani tik ne tamachtiluyan Externado San José.[4]
Tik ne shiwit se shikipil chiknawi tzunti yey pual chikume yaja pejki muchiwa ne ikumpa Santoj Oscar Arnulfo Romero. Tik ne shiwit se shikipil chiknawi tzunti yey pual majtakti yaja katka ne tamachtiani ka ceremonia keman Santoj Oscar Arnulfo Romero kitukeytia katka ken Wey palej auxiliar ka Kuskatan Tik ne tunal se pual nawi tik ne metzti chikyey tik ne shiwit se shikipil chiknawi tzunti yey pual majtakti ume yaja kimukwepji ken ne palej ka ital Aguilares.[5] Yaja kichiwki katka ne comunidades eclesiales de base (CEB)[6] yaja kimachtia katka ipanpa economíaj wan politicaj tik ne tatuktiani ka tatukani “Delegados del as palabras” uni inijiknwan musunket inwan ne tajpianimet ne itekuyu tal majmawit katka ka Ini tajtakamet. Tik ne tunal majtakti ume tik ne metzti yey tik ne shiwit ne shiwit se shikipil chiknawi tzunti yey pual kashtul ume Beatoj Rutilio Grande García (yaja kipiak ume pual chiknawi shiwit keman yaja mikik), Manuel Solórzano (yaja kipiak yey pual majtakti ume shiwit keman yaja mikik) wan Nelson Rutilio Lemus (yaja kipiak kashtul se shiwit keman yaja mikik) Beatoj Rutilio Grande García kiwika katka ne jeep tik ne Aguilares iwan ne Paisnal keman ne Escuadrones de la Muerte[7] kimiktijket yejemet.
Tik ne tunal se pual se tik ne metzti ume tik ne shiwit ume shikipil se pual ne papaj Francisco[8] autorizoj canonizacion tik ne palej wan ume laicos. Tik ne tunal se pual ume tik ne metzti se tik ne shiwit ume shikipil se pua ume tik ne plaza Salvador del Mundo ne Cardenal Gregorio Rosa Chávez kichiwket Beatoj Rutilio Grande García Beatoj Manuel Solórzano Beatoj Nelson Rutilio Lemus wan Beatoj Cosme Spessotto.[9]
Kan inatiwit edit
- ↑ https://es.wikipedia.org/wiki/Rutilio_Grande
- ↑ https://es.wikipedia.org/wiki/El_Paisnal
- ↑ https://es.wikipedia.org/wiki/Luis_Chávez_y_González
- ↑ https://es.wikipedia.org/wiki/Externado_de_San_José
- ↑ https://es.wikipedia.org/wiki/Aguilares_(El_Salvador)
- ↑ https://es.wikipedia.org/wiki/Comunidades_Eclesiales_de_Base
- ↑ https://es.wikipedia.org/wiki/Escuadrones_de_la_muerte_(El_Salvador)
- ↑ https://es.wikipedia.org/wiki/Francisco_(papa)
- ↑ https://es.wikipedia.org/wiki/Cosme_Spessotto_Zamuner