پنجابی ہند-آریائی بولیاں نے ٹبر نی اک بولی ہے تے اس نا اصل دیس پنجاب ہے۔ پشاور توں دلی تے مظفر آباد توں سندھ توڑی ایہہ عام بولی جاݨی ہے۔ پاکستان تے بھارت توں باہر ہور دیساں وچ وی اس نے سمجھݨ تے بولݨ آلے لوک موجود ہن۔ پاکستان وچ ایہہ سب توں ودھ بولی جاݨ آلی بولی ہے تے برطانیہ وچ انگریزی توں بعد اس نا دووا نمبر ہے تے بھارت وچ اس نا نمبر 11 ہے۔ جنوبی ایشیا وچ ایہہ بولن نے لحاظ نال ترییے نمبر اُپر اچھنی ہے۔
ناں پنجابی نا ارتقاء edit
پنجابی کی سب تھوں پہلاں دسویں صدی نے مؤرخ تے جغرافیہ داݨ ابن حوقل اس کی ملتانی آکھیا ہے۔ البیرونی اس کی الہندیہ تے لہوری آکھیا ہے۔ مسعود سعد سلمان نے دیوان وچ اس کی ہندوی آکھیا گیا ہے۔ اس تھوں بہوں چڑے بعد بہوں سارے پنجابی لکھاریاں اس کی ہندوی آکھیا ہے۔
پنجابی نیاں پڑبولیاں edit
پنجابی نیاں بہوں ساریاں پڑبولیاں ہن جنہاں وچوں متیاں مشہور ماجھی، ملوئی، دوآبی، پوادھی، ملتانی، ڈیراوالی، ریاستی، جٹکی، ہندکو، پوٹھواری ، ڈوگری، چھاچھی، دھنی، گھیبی، چمبیالی، کانگڑی تے [1]بلاسپوری ہن۔ ماجھی کی ٹکسالی منیا جاݨا ہے۔
پنجابی نیاں لپیاں edit
پنجابی بولی کی لکھن واسطے ترے توں چار لپیاں ورتیاں جاݨیاں ہن جنہاں وچوں گرمکھی تے شاہ مکھی متیاں مشہور ہن۔ اس توں علاوہ سوشل میڈیا اپر رومن وچ پنجابی لکھن نا رواج وی ہے۔
شاعر edit