Abongwaqa edit
Abongwaqa ngamanye amatjhada asetjenziswa khulu esiNdebeleni. Amatjhada la, abongwaqa, asetjenziswa nabokamisa ukuze kube matjhada la azwakalako. Abongwaqa bamihlobo ehlukeneko. Imihlobo le ibizwa bona; Abodumuza/Abodubula, ububula, abomavuthelwa, abomavuthelwagandelela, uliliza, urephula, abosingakamisa, abomakghadlana, abongwabathwa, abongwaqabathwa ababozinyo, abongwaqabathwa abosininirhwalabha nabongwaqabatha abahlangothi. Esigatjeni esilandelako sizokukhuluma ngemihlobo yabongwaqa.
Abodumuza/Abodubula edit
Abodumuza nanyana abodubula matjhada lawo othi nawuwaphimisako, umoya uphume ngebelo nawuya ngaphandle bese kube khona ukudumuza komoya.
Isibonelo:
- p[p’]: udumuza oputjukako ongundebembili (ipisi [ip’isi])
- d[d]: udumuza onelizwi ongusinini.Utholakala kuhlanganiselamakghadlana (indaba [indaƃa])
Ububula edit
Litjhada elingundebembili lelo eliphimiswa ngokububula.
Isibonelo:
- b[ƃ]: ububula ongundebembili.basa [ƃasa]
Abomavuthelwa edit
Abomavuthelwa matjhada lawo othi nawuwaphimisako kuzwakale ukuvuthelwa.
Isibonelo:
- f[f]: umavuthelwa onganalizwi ongundebezinyo (fafatha [fafatha]).
Abomavuthelwagandelela edit
Abomavuthelwagandelela matjhada lawo othi nawuwaphimisako ilimi lakho lirhwathe ilwangeni bese kuvimbeke umoya. Umoya lo bese uphume sele ugandelelekile.
Isibonelo:
- ts[ts’]: umavuthelwagandelela oputjukako ongusinini (itsetse [its’ɛts’ɛ).
- dz[dz]: umavuthelwagandelela onelizwi ongusinini (idzila [idzila).
Uliliza edit
Uliliza litjhada lelo elinelwi begodu nawuliphimisako ilimi likghwatha iinsini bese umoya uphome ngemahlangothini.
Isibonelo:
- l[l]: uliliza onelizwi ongusininihlangothi (lila [lila]).
Urephula edit
Urephula litjhada olingusinini eliphinyiswa ngokuthi kuzwakale ukurhephula.
Isibonelo:
- r[r]: urephula ongusinini onelizwi (rara [rara]).
Abosingakamisa edit
Abosingakamisa matjhada obolwangeni nanyana aborhwalabha.
Isibonelo:
- y[j]: usingakamisa ongurhwalabha (ongulwangeni) [yeyezela [jɛjɛzɛla]
Abomakghadlana edit
Abomakghadlana matjhada lawo aphinyiswa ngeendebe zomlomo nanyana ngokuthi ilimi likghwathe ilwangeni.
Isibonelo:
- m[m]: umakghadlana ongundebembili (mina [mina]).
- n[n]: umakghadlana ongusinini (inani [inani]).
Abongwaqabathwa Ababozinyo edit
Abongwaqabathwa matjhada lawo asuselwa kubaThwa. Ubongwaqabathwa laba bafaka abongwaqabathwa ababozinyo, aababosininirhwalabha nabohlangothi.
Isibonelo:
1. Abongwaqabathwa Ababozinyo
c[/]: ungwaqabathwa onganalizwi onguzinyo (coca [/ɔ/a]).
2. Abongwaqabathwa Ababosininirhwalabha (-lwangeni)
q[!]: ungwaqabathwa onganalizwi ongusininirhwalabha (qina)
3. Abongwaqabathwa Abahlangothi
nx[ŋ//]: ungwaqabathwa okghadlazisweko ohlangothi (nxifa [ŋ//ifa]).
Isiphetho edit
Abongwaqa matjhada lawo abaqakathekileko bonyana bafundwe begodu bazwisise ngombala bakulayela ngamatjhada asetjenziswa esiNdebeleni kanye nangendlela atlolwa ngayo.