AZAYA ZUT 4
1 Dabisban ya'a ti paae, pu'aba ayɔpɔi na la'asi gban'e dau yinne ka yɛl o ye, “Ti na tʋm diisi ti mɛŋ, ka da'adi ti mɛŋ fuudi yɛɛd. Tinamɛ bɔɔd si'el anɛ fʋ siak ka ti buonif ye ti sid ka li yisi ti nyan pʋʋgin ka nidib da yɛl ye, ti kɔ'ɔŋ sidibi kulɛ.” Zugsɔb la na maligim sʋŋi ba 2 “Saŋkan la Zugsɔb na kɛ ka ya tiis la nɔbig ka vɛnl hali, ka zʋʋd na maal teŋ la zug bɛdegʋ ka Israel dim banɛ kpɛlim la na nwɛ'ɛd nyɔ'ɔg ka mɔr si'ire li zug. \v 3 Ba na buon banɛ kpɛlim Zion nɛ Jerusalem la ye banɛ an kasi. Ban banɛ wʋsa nan kpɛn vʋe Jerusalem tempʋʋgin ka ba sɔbi ba yʋda digil la. 4 Zugsɔb la na pie dian'ad linɛ ka Zion pu'ab tʋm la, ka kad saria ka vaae ziim linɛ kpa'ae Jerusalem pɔɔgin la, ka o siig la na kadi li saria ka pie li nɛ bugum. 5 † Zugsɔb la na kɛ ka saŋgbauŋ linɛ nwɛnɛ nyɔ'ɔs la lus banɛ la'as Zion zuorin la nintaŋ, ka an bugum nie tisi ba yʋ'ʋŋ. Ka Wina'am na'am pipilim la na nwɛnɛ sʋk nɛ lusi ba. 6 Li na mɔr ma'asim tisi ba nintaŋ, ka an suak zin'igi tisi ba saa nɛ sisi'em saŋa.”