Wp/kus/Abantu for Development

Abantu for Development anɛ an asʋ’ʋ-m-mɛŋ pʋ’ab la’asʋg dim (non-governmental organisation). Li tʋʋma anɛ ye li sʋŋ pʋ’ab banɛ bɛ Africa pɔlitis nwɛ’ɛb nɛ ba da’a diib keŋ tʋoni ba mɛŋ tɛŋ kpɛmisin ba sʋ’ʋlimin, ba tɛŋgbaʋŋ bɛn nɛ dunia sʋ’ʋlim wʋsa. Li dɔlisidi la’asʋgnam pʋʋgin, zamispaala ni, Gbana sɔb pʋʋgin nɛ sa’alʋg nam pʋʋgin. Abantu paae tɛɛns bɛdegu ka ba mi’ di yɛla, ka li yinɛ ban mɔr la’alʋg dɔɔg London la, anina ka pʋ’abanɛ da yit ninsabilis tɛn’ɛsin (Africa) da pin’il la’asʋg nwa’ yʋʋm tusir, kɔbiswai nɛ piswai nɛ yinne (1991) la ni’. Li la’asʋg dɔɔdi lɛm bɛ tensieba anɛ Kenya, Tanzania, Ghana nɛ Nigeria. Abantu mɔr suora nwɛ’ɛb nɛ United Nations Economic and Social Council (ECOSOC).

ABANTU for Development

international non-governmental organization

Inception	October 1991
Field of work	women's politics, sustainable development, women's rights, social equality, social justice
Named after	human
Location of formation	London
Headquarters location	London, Nairobi
Official website	https://abantu-rowa.com/
Intended public	African people
Operating area	Africa

Din an si’em

Abantu linɛ an asʋ’ʋ-m-mɛŋ la’asʋg kanɛ ka tɛŋ si’a gɔmena pʋ sʋ’oe di (International non-governmental organisation). Tenkanɛ yʋ’ʋri bʋon London, ka pʋ’abanɛ da yit ninsabilis tɛɛsin da pin’il la’asʋg nwa’ yʋʋm tusir, kɔbiswai nɛ piswai nɛ yinne (1991) la ni’, ka onɛ an ba kpɛɛm ka o yʋ’ʋr an Wanjiru Kihoro, Mɛ da paasi ba.

Abantu gbin anɛ “ninsaalib” ninsabilis buudi bɛdego pian’ad pʋʋgin. Zina nwa’ li la’asʋg dɔtitada bɛnɛ tɛɛns bama London, United Kingdom, Nairobi, Kenya nɛ Tanzania.

Ti ya-tuona ninsabilis sʋ’ʋlim (West Africa) la’asʋg dɔtita’ar bɛnɛ Accra, Ghana ka li kpɛɛm an Rose Mensah-Kutin ka li la’asʋg dɔbil mɛ bɛ Nigeria. Abantu anɛ la’astita’ar ka la’asbibis bɛɛ li ni’. Li tʋʋma anɛ na’ana, ban mɔr la’asbibis la zug, ba dɔlisid pʋ’ab la’asbibisin la paamid paŋi tʋmmi ba tʋʋma.

Abantu mɔr suora nwɛ’ɛb nɛ United Nations Economic and Social Council (ECOSOC). Li mɛ paas Gender Action on Climate Change for Equality and Sustainability dim pʋʋgin. Abantu mɛ tʋmmi li tʋʋma nɛ United Nations Economic Commission for Africa nɛ Organisation of African Unity dim.

Abantu tʋmmi li tʋʋma nɛ la’asbanɛ ka’ ninsabilis tɛŋinɛ, amaa li gban’e ye li kʋ bas suor ka na’asaanam sʋ’oe ba. Lin nwɛ’ɛd sʋora nɛ United Nations Economic and Social Council (ECOSOC) la nɛ ba la’asʋg dɔɔgi bɛ London tɛŋin la kɛ ka li paam sʋŋir bɛdego. Ninsabilis tɛɛnsin (Africa), li nyɛ yu’ur hali nɛ ya-tuona ninsabilis sʋ’ʋlim (West Africa).

Gban’ar

Abantu anɛ li sʋŋ ka ninsabilis tɛɛsin (Africa) pʋ’ab nyaŋi gban’e gban’ar nɛ ba mɛŋ yandi ba tɛŋkpɛmisin, ba tɛŋ sʋ’ʋlim ni,nɛ dunia bɛn wʋsa. Li bɔɔdim anɛ di tis pʋ’ab paŋ ka ba paas na’am nya’ab pʋʋgin nɛ da’ diib pʋʋgin wʋsa, ka yis linɛ wʋsa gu’ud pʋ’ab kati wa’ae ba na’am nya’ab pʋʋgin, wada pʋʋgin, malima banɛ gu’udi ka ba paami ba nyadi wada pʋʋgin nɛ ba da’ diib pʋʋgin. Ba bɔɔdim lɛn anɛ ba la’as pʋ’ab ka ba nyaŋi paas temmaalʋg pʋʋgin ninsabilis sʋ’ʋlim (africa). La’askaŋa nwa nye yɛlkpana anaasi ka li nar ye ba gɔsi li yɛla: pʋ’ab nɛ dap nɛ nɔŋ pʋʋgin bɛllim yɛla, pʋ’ab nɛ dab nɛ zaba pʋʋgin yɛla, pʋ’ab nɛ dab nɛ teŋ sʋ’ʋgʋr yɛla nɛ pʋ’ab nɛ dab labaya tisib pʋʋgin nɛ pian’ad pʋʋgin sʋŋir la’ad yɛla. Abantu yɛlkpan anɛ pʋ’ab yɛla, amaa li mɔr gban’ar ye fʋ ya’ sʋŋ pʋ’a, li mɛ mɔr sʋŋiri tis daʋ.

Tʋʋma nam

Abantu dɔlisid sʋoya atan’a tʋmmi ba tʋʋma: Zamisʋg nɛ tʋʋma nɔbʋgir pʋʋgin, yɛl paala baŋir nɛ gbana sɔbʋg pʋʋgin nɛ pian’ad pʋʋgin, nɛ sʋŋir nɛ sa’ala nɛ ala’asi tʋm pʋʋgin. Abantu mɔr pa’annib ka ba gaad kɔbisnu (500) pa’an la’asʋg kɔn’ɔb kɔn’ɔb Africa nɛ United Kingdom. Pa’annib bama maan vɛɛnsʋg dap nɛ pʋ’ab nɛ yɛla maalʋg ba tɛɛnsin nwɛnɛ gender stereotypes, social change, climate change nɛ HIV tʋntʋnnib. Abantu pa’an kpɛɛmnam suosieba ka baŋ ye dap nɛ pʋ’ab zamisidnɛ kɔn’ɔb kɔn’ɔb ka pʋ nwɛn taaba. Ya’asaa, di lɛn maan la’asʋgʋ tisid pʋ’ab la’asʋg nam nɛ tuon gatib. Abantu's Gender and Poverty Hearings bɛdegʋ Eastern nɛ Southern Africa sʋŋya ka gɔmena gban’a nie nyain. Abantu vɛɛnsʋg yi labaya ni na pa’al ye ba pa’an nidib nima’asim yɛla, dap nɛ pʋ’ab bɛllim yɛla nɛ pʋ’ab daʋŋʋ an si’el vɔɔtʋg saŋa.