Justin Pierre James Trudeau PC MP (/ˈtruːdoʊ, truːˈdoʊ/ I TROO-doh, troo-DOH, French: [ʒystɛ̃ pjɛʁ dʒems tʁydo]; bɔn am Disɛmba 25, 1971) na wan Kanada pɔlitiksman we dɔn wok as di nɔmba 23 praymɛnt minista fɔ Kanada sins 2015 ɛn di lida fɔ di Libal Pati sins 2013. Dɛn bɔn Trudo na Ɔtawa, Ɔntɛrio, ɛn i bin go na Kɔlej Jean-de-Brébeuf. I graduet frɔm Makgil Yunivasiti insay 1994 wit Bachelor of Arts digri pan litrɛcha, dɔn insay 1998 i gɛt Bachelor of Education digri frɔm di Yunivasiti ɔf British Kɔlumbia. Afta i gradyuet i tich na di sɛkɔndari skul lɛvɛl na Vankuvɛ, bifo i muf bak na Mɔntrial insay 2002 fɔ go bifo pan in stɔdi. I bin bi chiaman fɔ di yɔŋ pipul dɛn charity Katimavik ɛn dairekta fɔ di nɔ-fɔ-profit Kanada Avalanche Asɛmbli. Insay 2006, dɛn bin pik am fɔ bi chiaman fɔ di Libal Pati in Task Fos fɔ Yut Rinyual. Insay di 2008 fedaral ilɛkshɔn, dɛn bin pik am fɔ ripresent di raydin fɔ Papineau na di Haus ɔf Kɔmɔns. I bin bi di Libal Pati in Ɔfishal Oposishɔn kritik fɔ yɔŋ pipul ɛn mɔltikɔlchɔralism insay 2009, ɛn di nɛks ia i bi kritik fɔ sitizinship ɛn imigrɛshɔn. Insay 2011, dɛn bin pik am fɔ bi kritik fɔ sɛkɔndari ɛdyukeshɔn ɛn spɔt. Trudeau bin win di lidaship fɔ di Libal Pati insay Epril 2013 ɛn i bin lid in pati fɔ win di 2015 fedaral ilɛkshɔn, ɛn i bin muv di Libal dɛn we bin de na di tɔd ples frɔm 36 sit to 184 sit, we na di big wan we wan pati dɔn ɛva inkrisayz pan nɔmba pan wan fedaral ilɛkshɔn na Kanada . Trudeau na di sɛkɔn yɔŋ praymɛnt minista insay Kanada istri afta Joe Clark; na in bak na di fɔs pɔsin fɔ bi pikin fɔ wan pɔsin we bin dɔn ol di post, as di big bɔy pikin fɔ Pierre Trudeau.