Huruf Kumoring[1] atau Aksara Komering joda da aksara tradisional khas Suku Komering di Sumatera Selatan, aksara Komering sa joda aksara sai dipangaruhi rua aksara sai uwat di hulu pulau Sumatera joda Aksara Lampung rik Aksara Ogan sehingga tibentuk da aksara Komering sa.
Gambar  | |
| Bahasa | Komering |
| Arah Penulisan | Kiri guk Kanan |
| Jenis Huruf | Abugida |
| Pencipta | Jolma Komering |
| Status | Lokok dipakai sebagian ronik masyarakat Komering |
| Periode | ?-Ganta |
| Unicode | Makkung ka di Unicode |
Sajarah edit
Aksara Komering dipakai di zaman samakkung Islam kuruk guk Bumi Komering, saradu Islam kuruk masyarakat Komering kok lamon makai Arab Melayu Jawi sabagai tulisan. Aksara Komering munih tipakai di zaman Balando anjajah, isi na tentang strategi porang ngalawan Balando. Aksara Komering waktu sina mak sabasing jolma pandai ngaliak, nulis, rik ambaca na tirabaiko bukhianat guk Balando[2].
Bentuk edit
Bentuk huruf Komering sa lobih rodik guk Huruf Ogan jak pada Huruf Lampung, sai dipa uwat huruf imbangan na sai makka di huruf Lampung. Radu sina lamon bentuk-bentuk huruf barih na sai kok pandai ticawako kakak-baradik rik huruf Ogan.
Asal Mula edit
Tiparkira ko huruf Komering sa mak sajawohan ga lahir na jak huruf Ogan, ngingok ko pocak na sai goh-goh. Tahun sai pasti na makkung ka sai pandai, tahun pira nihan huruf Komering sa muncul. Aksara Komering sa tiparkira ko partamo kali titulis di daerah Komering Tongah, pasal na lokok lamon bukti sai pandai tiliyak rik tijadi ko acuan, walaupun tiap tiyuh bentuk na sumang-sumang, man tiliyak ko di Komering Ilir makka tulisan sapoja sa, sapona munih di Komering Ulu sai cutik peninggalan tentang Aksara Komering sija sa.[3]
Gambar edit
