Taman Nasional Batang Gadis (TNBG) adolah taman nasional yang ado di Pulau Sumatra, tepatnyo di Kabupaten Mandailing Natal, Provinsi Sumatra Utara. Lebih tepatnyo berado di 99° 12’ 45" BT sampe 99° 47’ 10" dan 0° 27’ 15" sampe 1° 01’ 57" LU dan jugo secaro administrasionyo, taman nasional ko dikelilingi 68 desa di 13 kecamatan di Kabupaten Mandailing Natal. Namo taman nasionalnyo dewek sebenarnyo diambek dari namo sungai yang ado di taman tesebot, yaitu batang gadis. Dalam bahaso daerah setempat, batang artinyo sungai.[1]
Luas Daerah edit
Awalnyo, luas taman nasional ko adolah sekitar 108.000 ha. Tapi sejak adonyo keluar ketetapan baru yaitu Keputusan Menteri Kehutanan Republik Indonesia Nomor: SK.3973/Menhut-VII/KUH/2014 tentang Penetapan Kawasan Hutan Taman Nasional Batang Gadis Seluas 72.803,75 (Tujuh Puluh Dua Ribu Delapan Ratus Tiga dan Tujuh Puluh Lima Perseratus) Hektar di Kabupaten Mandailing Natal, Provinsi Sumatera Utara, makonyo total dari luas taman nasional berubah menjadi 72.150 hektar.[2]
Pembagiannyo dewek adolah sekitar 36.162 hektar adolah kawasan hutan di TNBG, yang meliputi 15.700 hektar ontok hutan lindung dan sekitar 20.462 hektar ontok hutan produksi.[2]
Topografi, Tanah, dan Geologi edit
Keadaan topografi kawasan hutan taman nasional ko adolah perbukitan, bahkan jugo pegunungan dengan ketinggian yang banyak macam. Ketinggiannyo dari permukaan aek laot itu sekitar 300 meter sampe kurang lebih 2.145 meter, dan angko tesebot adolah angko tetinggi yang merupokan puncak dari Gunung Sorik Merapi.[1]
Kemiringannyo dewek rato-rato lebeh dari 40% dengan dominasi kemiringan lereng > 50%. Topografinyo dewek umumnyo perbukitan dan jugo pegunungan, serta berado di daerah vulkanis aktif sehinggo menjadikan kondisi geologisnyo labil.[1]
Flora edit
Dalam hasil penelitian, ditemukan sekitar 242 jenis tumbuhan berpembuluh (vascular plant) yang terdiri dari 47 suku atau sekitar 1% dari total flora yang ado di Indonesia (di Indonesia ado sekitar 25.000 jenis tumbuhan berpembuluh). Idak itu bae, penelitian jugo menemukan bungo yang langka, yaitu bungo Padma (Rafflesia sp.).[2]
Penelitian jugo menemukan jenis baru dari keluargo meranti-merantian (Dipterocarpaceae) dan merupokan flora paling banyak ditemukan di taman nasional. Beberapo yang menonjol adolah:[2]
- Shorea gibbosa Brandis
- Hopea beccariana Burck
- Shorea acuminata Dyer
- Dipterocarpus palembanicus Sloot
- Hopea nigra Burck
- Shorea parvifolia Dyer
Dari beberapo flora meranti yang menonjol tesebot, sebagian besak masok dalam daftar status merah IUCN (IUCN Red List) yang berarti harus dilestarikan supayo idak punah.[2]
Daftar Pustaka edit
- ↑ 1.0 1.1 1.2 Taman Nasional Batang Gadis. Taman Nasional Batang Gadis : Sejarah dan Kawasan. Diakses pada 18 Agustus 2021.
- ↑ 2.0 2.1 2.2 2.3 2.4 TFCA Sumatra. Taman Nasional Batang Gadis. Diakses pada 18 Agustus 2021.