Korea Utara (Korut) toi ko' ngaran di poimbida nopo nga Republik Rakyat Demokratik Korea (RRDK, 조선민주주의인민공화국, 朝鮮民主主義人民共和國 Chosŏn Minjujuŭi Inmin Konghwaguk) nopo nga iso pogun ii poingion id boogian koibutan Korea. kakadayan tagayo do pogun diti nopo nga Pyongyang. Pogun diti nopo nga miwolit do Republik Rakyat China id koibutan om kotonobon rahat, id baang Yalu (Amrok) om baang Tumen. Soboogian tokoro do baang Tumen nga nokosiliu do wolit pogun diti miampai pisompuruan Rusia id kosilahon rahat. Koiyonon Zon obibas soudor Korea manakatanda do wolit Korea Koibutan om Korea Kabaatan (Republik Korea). Au notorima ko'okunan do wolit diti mantad godu-duo pogun tu pogun dii nopo nga mamadawa do yolo nopo nga momolinta di poihimag montok pointongkop semenanjung.
.svg)
Sajara edit
Pomogian kotooinan
Kahapas koiyonon Jepun id Korea ii naayi miampai kinalaan Jepun id Pisangadan Pomogunan II ontok toun 1945, Korea nopo nga nabahagi id selarian ko-38 tumanud do iso ninduranan Bansa-Bansa Amerika montok sumiliu do pomuruanan di Piisaan Soviet id koibutan om Ameriak Syarikat id kabaatan. Sajara Korea Koibutan ii poimbida nopo nga nokotimpuun miampai ponguridangan Republik Rakyat Demokratik ontok toun 1948.