Bakung, bakong (koduo-duo id suang gagarit Jawi: باکوڠ), bakuh, melung, landap, selandap toi ko' tembaga suasa (ngaran botani: Crinum asiaticum)[1][2] nopo nga iso kawo susumuni kirasun id paganakan Amaryllidaceae. Spesies nopo diti nga sumuni sandad id pulou Lautan Hindi, Asia Timur, Asia Tenggara tropika, Australia om pulou Pasifik.[3][4] Tonomon ii sabaagi tanom ponginlumis.
Botani edit
Puun bakung nopo nga iso kawo susumuni herba i sumuni mantad bebawang kiwinagat 5-9 kg. Roun nopo do puun diti nga kibontuk otutus om kiwotik do otomou di otuutuong, om roun nopo dii nga koubasanan numaru gisom 1 meter mantad tonod do tana gisom id dompok do roun miampai 10 sm o linaab.[1][4]
Mongusak ii id suang jambak payung 8-9 sm id sawat do guas di akapal; toinsanan jambak kiwaa 10–24 wusak bunga. Monikid wusak kiwotik opurak om kibontuk corong i mungkalad sumiliu ranggi otutus[1][4] 4.5–9 sm ninaru om 6–9 mm linaab. Bunga-bunga dii kikosingudan do owongi soira timpu dongotuong.
Pananaman edit
Asakag o puun bakung maya bebawang. Soira kotuo, milo pitongkiadon o bebawang kumaa piipiro boogian okoro di berumpun i milo poundolihon id kinoyonon suai om tonomon maya medium pananaman di wagu toi ko' id siriba nopo do tana.[5] Minog ii okuaan babang do tadau.
Kogunoon edit
Gunoon ii sabaagi rusap id suang pongusapan tradisional.
Sukuon edit
- ↑ 1.0 1.1 1.2 Tan, Ria (November 2010). "Bakung or Seashore spider lily". Wild Singapore. Linoyog ontok 3 Ogos 2022.
- ↑ Script error: No such module "Wp/dtp/citation/CS1".
- ↑ Cite error: Invalid
<ref>tag; no text was provided for refs namedWCSP - ↑ 4.0 4.1 4.2 "#35 Crinum asiaticum". Floridata. 2022. Linoyog ontok 3 Ogos 2022.
- ↑ "Crinum Asiaticum bukan sekadar penghias laman". Media Permata. 11 October 2017. Linoyog ontok 3 August 2022.