Gidán asi vaxt ase án naná páhválí maxlúk kin mosum ná zor tián baccing kin ađđ as massune. Gidán e drassam o ucckás aŧ guaffta ŧí guaffingik. Geştir dá sáda o maon ingá rang aŧí marek o pen nakş o nigár şápasa ta. Gidán e guaffing ná vaxtá tanissta ģák drassam ná o xol ná rotk ák ucc kás ná marera. Gidán ná irá paŧŧ marera. Ar asi paŧŧ e jitá jitá guaffingik, valdá aŕtomá paŧŧ áte aviŕda badingik. Dáde zebá kanning kin mon aná kunđán kuck o ģurr am xullira. Guaffta ŧí joŕ maroká dá gidán e gindár tá zí á baş kanningik o ciŧŧ áteaŧ đaģár aŧí kađđ karok o mex teton sogav tafingik.
Gidán páhválí á maxlúk kin ásrátí ná ballo vasíla as e. Ofk tenaŧ dáŧí rahengira o tená mađđí e tixira. Asi vaxt ase án naná páhválí á maxlúk ná raheng kin gidán ná subakkí bhallo kadr as tixik. Ofk mosum o pen hálát átá vaŕ aŧ pen kunđ ase á ampolađđ ker to gidán e tuŕifira o ģuŧŧ mađđí ton avár oláx átiá arfira. Andun kárván tená mizzil kin sar alek. Mizzil á sar manning ton arkas tená gidán te baş kanning ná sevanj e kek.
Gidán ná táríx edit
Gidán ná başx ák edit
Gindár edit
Gindár bilsum ámbár amo coŧ ingá páŧ te pára aráftá zíá gidán ná paŧŧ áte şáģingik o gidán e baş kanningik.
Gindár Bandok edit
Gindár Bandok dask aná amo pullí á laŕí te pára aráfte ki gidán ná taeŧí zebáí kin gindár teton tafingik.
Paźdar (Paedar, Biŧok) edit
Paźdar amo pucc yá drassam ná paŕda ģáte pára aráfte gidán ná dámon emon aŧ şikk aton xullira. Dá taho, yaxx o roşnáí ná xátirán buŕzá o şef kanning kin kárem ittira. Dáfte Sáráván aŧí paźdar o Jháláván aŧí paedar pára. Giŕás maxlúk pánád ná aŕtomá paŕda ģáte biŧok am páik.
Şikk edit
Şikk áin aŧ joŕ guálaí á síla ámbár marera. Dáftá asi kunđ şill marek o elo kunđá tá ŧung ás marek. Dáfte gidán o paźdar e sogav kanning kin xalera. Dáfte rid aŧ xullisá kára o ŧung áteŧí tá murģuno ciŧŧ as am şáģisá kára.
Cúŕí edit
Cúŕí drassam án guaffoká amo ciŧŧ áte pára ará ki gidán e mex teŧí sogav kanning kin tafingira. Dáfk geştir şaş marera.
Gindár Manjí edit
Gindár Manjí amo ciŧŧ áte pára aráfteaŧ gindár ná zíá gidán e tafira.
Mex edit
Mexk asi fuŧŧ ná marera ki áin yá páŧ aŧ joŕ marera. Dá geştir şaş kaŕo marera. Mex te đaģár aŧí ŧokingik o gidán e cúŕí teaŧ dá mex teton sogav tafingik. Bház vaxtá mex tá jága ģá kubeno xal am istimál marera.
Minuk (Manj, Jhamuk) edit
Minuk amo irá şáxa páŧ te pára aráfte gidán o cúŕí te buŕzá toning kin tamba ģámbár cúŕí o gidán tá niám aŧí jikk kanningik. Dáfte Sáráván aŧí minuk, Jháláván aŧí manj o Xárán aŧí jhamuk pára.
Giŕges edit
Giŕges gidán ná dámon emon tiroká amo miş te pára aráfte pir aná dír e toning kin laŧŧ ámbár joŕ kera.