Wp/bew/Pungsi moster
Pungsi moster (hurup Arab Gundul: فوڠسى موستر; Welanda: steekproeffunctie) nya'entu gedéan dalem statistik nyang bolé dapet deri atu moster buat atu jujuan statistik. Jujuan statistiknya bisa taksiran nilé atu patokan kabèhan, nyang nyiriin kewontenan moster, atawa nilé atu jajagan (hipotesis). Istilah pungsi moster dipaké bakal maran ke pungsi èn ama maran ke nilé pungsi deri atu moster. Kalo atu pungsi moster dipaké buat tujuan nyang husus, entu pungsi bisa diparan paké nama nyang ngejelasin tujuannya. Contoh deri pungsi moster ya'entu palsabet, kerageman, èn domplèngan cangcangan (koefisien korelasi).
Jikalo atu pungsi moster dipaké buat njajag atu patokan kabèhan, entu pungsi moster dikenalnya sebagé sebuah pengancer. Patokan kabèhan bisa sembarang ciri apa aja deri kabèhan nyang dibelajarin. Kalo ga' bisa langsung ngukur nilénya, manhad-manhad pungsi moster dipaké buat ngira-ngira nilé patokan nyang paling mungkin. Eni manhad pada begawé buat pungsi moster nyang diambil dari entu kabèhan. Tuladnya, palsabet moster entu pengancer tradèngklok (unbiased estimator) deri palsabet kabèhan. Ni hal ngadi arti nilé anceran deri palsabet moster bakalan sembabad ama palsabet kabèhan sebenernya.[1] Atu pungsi moster bisa dipaké buat banyak tujuan. Tuladnya, palsabet moster juga' kena dipaké bakal nyiriin atu moster, ama bakal nguji atu jajagan.
Ruju'an
- ↑ Kokoska, Stephen (2015). Introductory Statistics: A Problem-Solving Approach (kuaran ke-2). Niu-Yorek: W. H. Freeman and Company. ISBN 978-1-4641-1169-3.