Anlèh[1] (hurup Arab Gundul: انلخ; Indonésia: bakat) atawa bawaan (hurup Arab Gundul: باواءن) ièlah kebisaan alamiah bakal ngapa-ngapain nyang lebi baè' deri banyakan orang. Anlèh sering ketuker ama kegapaan. Kita bisa ngembangin ama ningkatin kita punya kegapaan, cuman kalo anlèh kaga'. Anlèh entu inpormasi nyang udah keserat di dalem gèn pas kita brojol. Itu inpormasi kaga' berobah selamanya kita idup. Itu anlèh cuman bisa diwarisin ke kita punya anak. Anlèh artinya ada punya mungkinat nyang lebi gedé bakal ngapa-ngapain.[2] Cuman, cuman anlèh doang mah kaga' asian. Kita kudu juga' nyang namanya plaktèk. Hata, anlèh nyang paling gedé kalo kaga' plaktèk mah sami mawon boncosnya, kaga' bakal jadi kegapaan nyang bagus. Laèn sisi, tahon-tahonan plaktèk, biar kata kaga' gableg anlèhnya mah, juga' bakalan cakep butirannya. Kalo—misal—orang nyang kaga' gableg anlèh musik, mar saban ari barang dua jem belajar ampé dua tahon, lah bakal bagus juntrungannya itu entinya, kalo jadi tukang gending mah.
Ruju'an
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
- ↑ https://www.sciencefocus.com/the-human-body/are-talents-genetic-or-learnt/