Aèr belanda[1] atawa aèr blanda[2] (hurup Arab Gundul: اير بلندا; Indonésia: air soda) atawa istilah nyang rada bekelimanya aèr karbonisir (hurup Arab Gundul: اير کربونيسير; Indonésia: air berkarbonasi) ada atu aèr tawar nyang dikasi gas karbon dioksidanya. Tu gas larut dah tu di dalem tu aèr. Mangkanya, tu aèr pas diminum ada rasa-rasa sret-sretnya pating platas-pletus di lida. Minuman èntèng[3], kaya' Coca-Cola, Sprite, Fanta, èns., entu masup ke ni katègori aèr belanda, sebab èmang ada gasnya ni aèr pada. Adapun prosès nglarutin tu gas karbon dioksidanya digeronya sebagé prosès karbonasi (hurup Arab Gundul: کربوناسى; Inggris: carbonation) nyang hasilnya ada asem karbonat.
Bakal ngeja aèr belanda di ruma butuh alat kusus. Jadi, kaga' bisa sembarangan segala gas èlpiji atawa angin bakal ngompa ban disemprotin ke aèr. Gagal nyang ada ituh.
Prosès karbonasi bisa juga' kejadiannya alamiah bakal ngasilin aèr mineral karbonisir. Selaèn entu, bir ama anggur homer (wine) juga' dikarbonisir liwat prosès permèntasi atawa pengragian.
Aèr belanda pertama kali ditemuin ama Joseph Pristly dalem tahon 1767.[4][5][6]
Ruju'an
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
- ↑ Sukanta. (2010). Kamus Sehari-hari Bahasa Betawi. Grasindo.
- ↑ Minuman èntèng (hurup Arab Gundul: مينومن انتيڠ) – minuman ringan (Indo.); soft drink (Ing.).
- ↑ "Joseph Priestley — Discovery of Oxygen — Invention of Soda Water by Joseph Priestley". Inventors.about.com. 2009-09-16. Dipungut per 20 Juni 2023.
- ↑ Stephen T Johnson (2009). The Invention of Air: An experiment, a journey, a new country and the amazing force of scientific discovery. ISBN 978-1594488528.
- ↑ "The Man Who Discovered Oxygen and Gave the World Soda Water". New York Times. Dipungut per 20 Juni 2023.