Èlmu palak (hurup Arab Gundul: علم فلق; Yunani: ἀστρονομία, translit. astronomía, dari ástron 'bintang' dan nómos 'hukum'), ya'entu èlmu nyang belajarin benda langit èn kejadian alam nyang terjadi di luar angkasa. Èlmu palak juga belajarin tentang kejadian di atmospir Bumi nyang asalnya dari luar angkasa kaya' batu-batuan angkasa atau selèndang kutub. Enni èlmu belajarin macem-macem hal tentang benda langit, kaya' asal-muasal, sipat tabèat/kimia', èlmu cuaca, èn geraknya.
Èlmu palak béda ama èlmu nujum atawa èlmu primbon. Èlmu palak kaga ada juntrungannya ama manusia punya urusan nasib. Kaga punya juga alesan bintang-bintangan buat dijadiin kenapa manusia begini-begitu. Cuman kalo diliat dari tarihnya asal-muasal dua-dua enni èlmu sama.