Wikimedia Incubator

Wn/shn/ၸဝ်ႈၸွမ်ၸိုင်ႈၵဝ်ႇ ထရၢမ်ႉ ၺႃးတၢမ်ႇငိုၼ်း ယွၼ်ႉသၢၼ်ၶတ်း လုမ်းတတ်းသိၼ်

< Wn‎ | shn
Wn > shn > ၸဝ်ႈၸွမ်ၸိုင်ႈၵဝ်ႇ ထရၢမ်ႉ ၺႃးတၢမ်ႇငိုၼ်း ယွၼ်ႉသၢၼ်ၶတ်း လုမ်းတတ်းသိၼ်

ဝၼ်းပုတ်ႉ၊ မေႇ 1၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ မိူင်းႁူမ်ႈတုမ် ဢမႄႇရိၵ
ႁူမ်ႈသၢင်ႈ!
Wn/shn/မိူင်းႁူမ်ႈတုမ် ဢမႄႇရိၵ
Wn/shn/မိူင်းႁူမ်ႈတုမ် ဢမႄႇရိၵ
ၸဝ်ႈၸွမ်ၸိုင်ႈၵဝ်ႇ တေႃႇၼႄႇထရၢမ်ႉ တီႈ ပၢင်ပွႆးသူၼ်းတုမ်

ယွၼ်ႉပိူဝ်ႈ လွင်ႈသၢၼ်ၶတ်းလုမ်းတတ်းသိၼ်ၼႆလႄႈ မိူဝ်ႈဝၼ်းဢင်းၵၢၼ်းၼၼ်ႉ ၽူႈထတ်းသိၼ်ၼိဝ်းယွၵ်ႉ ပၼ်တၢမ်ႇငိုၼ်း ၸဝ်ႈၸွမ်ၸိုင်ႈၵဝ်ႇ ထရၢမ်ႉ တေႃႇလႃႇ 9,000 ၼႆယဝ်ႉ။ လွင်ႈဢၼ်လႆႈ ပၼ်တၢမ်ႇၼႆႉ ယွၼ်ႉပိူဝ်ႈဝႃႈ ထရၢမ်ႉလႆႈပူၼ်ႉပႅၼ်ၼိူဝ် ၶေႃႈပူင် ဢၼ်လုၵ်ႉတီႈလုမ်းတတ်းသိၼ် တမ်းဝၢင်းဝႆႉဝႃႈ ၵႃႈတီႈ လိူင်ႈ ဢၼ်မၢပ်ႇမႂ် ထရၢမ်ႉဝႆႉၼၼ်ႉ “တေဢမ်ႇလႆႈ ထတ်းသၢင်ၼိူဝ် သၢၵ်ႈသေႇ ဢၼ်လုမ်းတတ်းသိၼ် ႁွင်ႉဢဝ်လႆႈ“ ဢၼ်ဝႃႈၼၼ်ႉယဝ်ႉ။

ထရၢမ်ႉ လၢတ်ႈဝႃႈတႄႉ မၼ်းပဵၼ်လွင်ႈတွပ်ႇၶိုၼ်း ၸိူဝ်းပဵၼ်လွင်ႈတိုၵ်းတေႃးၵၢၼ်မိူင်း ဢၼ်ႁဵတ်းတေႃႇမၼ်းၼၼ်ႉၵူၺ်းဝႃႈၼႆ။ ၽူႈထတ်းသိၼ် Juan Merchan ႁႂ်ႈ ထရၢမ်ႉ ဢဝ်ပႅတ်ႈ ၽူတ်ႉ ၵဝ်ႈဢၼ် ဢၼ်မၼ်းတၢင်ႇဝႆႉတီႈ သိုဝ်ႇသၢၼ်တူင်ႇၵူၼ်း Truth Social ၼၼ်ႉယဝ်ႉ။ ထရၢမ်ႉၵေႃႈ လႆႈမွတ်ႇပႅတ်ႈပၼ်မႃးယူႇ။ ၵပ်းၵၢႆႇလူၺ်ႈ လွင်ႈပၼ်ငိုၼ်းဢိုတ်းသူပ်း Stormy Daniels ဢၼ်ပဵၼ် ၼၢင်းမွၵ်ႇႁွမ်လိုၵ်း ၼၼ်ႉသေ ၽူႈတၢင်ၼႃႈလူင်ပွင်ၸိုင်ႈ ၸင်ႇလႆႈမၢပ်ႇမႂ် ထရၢမ်ႉ ပဵၼ်လိူင်ႈလႅၼ် ၼၼ်ႉယဝ်ႉ။

ဝၢႆးသေ ၽူႈထတ်းသိၼ် လႆႈတႅပ်းတတ်းၸိူင်ႉၼႆယဝ်ႉ ၵဵဝ်ႇၵပ်းလူၺ်ႈ ၵၢၼ်သူၼ်းတုမ်ၶႅပ်းၵၢင်ၸႂ်သေ ထရၢမ်ႉလၢတ်ႈသႃႈ ၽူႈထတ်းသိၼ် လႆႈဢိုတ်းသူပ်းၵဝ်ယဝ်ႉၼႆသေ ထရၢမ်ႉၼႆႉ လႆႈသူင်ႇဢီးမေးလ်သေၵေႃႈ ႁႃငိုၼ်းၵွင်ၵၢင်မႃးယဝ်ႉ။ ၽူႈထတ်းသိၼ် လၢတ်ႈဝႆႉ တီႈၼႂ်း ၶေႃႈပူင်လုမ်းတတ်းသိၼ်ၼၼ်ႉဝႃႈ လႆႈမီးလွင်ႈၼပ်ႉယမ်ၼိူဝ် သုၼ်ႇလႆႈသုၼ်ႇပဵၼ် မၢႆ 1 ဢၼ်ထရၢမ်ႉမႄးမႃး တီႈၼႂ်း လွင်ႈမူၼ်ႉမႄးလၵ်းမိူင်းၼၼ်ႉသေတႃႉ သင်ၸိူဝ်ႉဝႃႈ ထရၢမ်ႉၼႆႉ တေသိုပ်ႇ ပူၼ်ႉပႅၼ် ဢၼ်ႁၢမ်ႈဝႆႉၼၼ်ႉယူႇၸိုင် တႃႇတေ ဢဝ်ထရၢမ်ႉသႂ်ႇၶွၵ်ႈၵေႃႈ တေဢမ်ႇငဝ်ယိုဝ်ႈယိုတ်းယူႇ ဝႃႈၼႆယဝ်ႉ။


ငိူၼ်ႈငဝ်ႈတိုၼ်း edit

Retrieved from "https://incubator.wikimedia.org/w/index.php?title=Wn/shn/ၸဝ်ႈၸွမ်ၸိုင်ႈၵဝ်ႇ_ထရၢမ်ႉ_ၺႃးတၢမ်ႇငိုၼ်း_ယွၼ်ႉသၢၼ်ၶတ်း_လုမ်းတတ်းသိၼ်&oldid=6279172"