martidìa 10 di nuvèmmiru 2015
Lu cunzorziu Doc Sicilia, la dinuminazzioni d'orìggini cuntrullata chiù mpurtanti di l'Ìsula, di custituzzioni ricenti ma c'abbrazza tutti li pruvinci e tanti tirritori diversi fici lu bilanciu e s'azzardau a fari privisioni pê vinnigni 2015, annata d'arricurdari n Sicilia vistu c'ora tutta la racina è n cantina e si sta trasfurmannu n vinu a picca a picca.
Riguardu ê vinnigni, st'annu la maturazzioni fu rigulari favuruta di na primavera e n'estati dâ timpiratura custanti, cu quarchi pricipitazzioni n austu e sittèmmiru. Li cunnizzioni climàtichi cunzinteru n'òttima qualità di racina e assai sana.
La dinuminazzioni Doc Sicilia tocca novimila èttari di vigna e quasi trimmila viticultura.
Fonti edit
- Fabbrizziu Carrera «Vini Doc, annata di successo in Sicilia» – Giornale di Sicilia, martidìa 10 di nuvèmmiru 2015