Lö mu'ila hamega tebörö taigö, ba haniha zobörötaigö, ero so zabeto ba afu tehöngö ba niha sato ba lafazawili zura nifotöi sura falaka. Lö mu'ila haniha zanura ba zamazaewe zura andrö me no ba zibongi lafazaewe ia irege samösa lö sangila. Sura falaka andrö lasura ia ba garate side'ide ba li Niha. Ösinia ba wangombakha wa no abeto gasane. Lasura döi nono alawe sabeto andrö. Na la'ila ha'uga waŵa ba lasura. Na ero so zura falaka andre ba na lö itörö boto ba ono alawe niböbögö waya simane nisura ba zura falaka ba tola möi ia khö zalaŵa wa turia si tehengö andrö no möi fangoboisi döinia ba lö itörö botonia.
Teu zabeto edit
Ba Danö Niha ba notobali to'ölöa na so deu fao angi ba na sabata döhö ba sabata zui abölö-bölö ba no sa'ae lamane da'e teu zabeto. Ba asese na so deu simane da'ö ba izumaigö so göi zabeto sitehengö ba mbanua andrö. Irege no sa'ae oi latandroi niha wa na so zabeto ba so deu zabeto. Hiza na no tehengö haniha zabeto ba itörö boto ba i'anemai'ö molökhö göi. Andrö dania idugu faduhu dödö nono Niha wa so deu zabeto andrö.
Amuata wahorösa irege abeto ma manabina nono alawe si lö zangowalu na sa ba no nifatörö'ö huku. Ono alawe sabeto ba no tobali fangaila zatua ba si sambua omo khö nono alawe.