Ofeta iada'e ba töi Nadaoya tehöngö si'ai na sa gotalua nono niha. Töra-töra nono niha sitöröi ba mbanua, si so na sa atua.
Mböröta, ero-ero möi ba kabu ma ba gatua, ba na moteu, ba na matörö gatua ba ta'ötö nidanö, ba asese lamane mo'ao'ao Nadaoya. Falikauhu-kauhu ia, da'ö dandra möi ia malu.
Nadaoya andre, lafaduhusi tödö, auri ia ba gatua. Omonia ba mbaho, gamaudu zi so wahandrona. Tenga hada'ö na sa, so göi zanguma'ö na so dögi danö sebua, ba da'ö göi naha Nadaoya.
Fameta'u ndraono edit
Ba hiza i lö irai so zi tola mogambaraini hewisa zikhala Nadaoya andre. Ba na laŵa'ö-laŵa'ö Nadaoya andre niha sebua sibai, fa'alaŵania tola ofeta sandrohu ohi. Ba ero-ero i'ohe doho. Fa'esolo dohonia ba izai töla nohi. Enau mbunia, ba aitö gulinia.
Na moteu ba asese sibai so zangila lahe Nadaoya. Ba ero so zaruru, ba laŵa'ö aruru danö andrö börö me aefa itörö Nadaoya.
Andrö, na mu'ohe ndraono ba gatua ba lö tola lö'ö lahörögö-rögö ira satuania, faböi itagö nono andrö Nadaoya. Mendrua manö asese labali'ö fameta'u ndraono, wa tebai me'e ndraono ba dalu gatua. Fe'e ndraono tola tobali fogaoni Nadaoya ba lua-luania, itagö ndraono si me'e andrö.