Template:Wp/cps/TampokNgaLaragway

Si Prometeo ukon Prometheus isa ka diyos nga Titano sa mitolohiya nga Griyego. Indi sanda kaangay sang iban nga Titano, kay nangin apin sya ni Zeus kag dose pa ka iban nga mga Olimpiyanong diyos. Utod niya si Epimetheus, nga nag-apin man sa mga diyos sang Bukid Olimpo.

Kaupod si Epimetheus, natagaan sanda sang responsibilidad ngamag-ubra sa mga lalaki nga tawo sang kalibutan kag sang mga sapat. Si Prometheus ang naghatag sa tawo sang wangis nga kaitsura sang mga diyos, paagi sa paghurma sang lutak, nga naghatag sang ikasarang ngamagtindog kag may mga mata nga makakita sa kalangitan; indi pareho sang mga sapat nga nakatutok sa lupa. Siya man ang naghatag sa tawo sang kalayo nga naghalin sa kalangitan. Tungod sa pagpangawat niya sang kalayo halin sa langit nga ginpasalig niya sa tawo, napanagang sang tawo ang iya kaugalingon kontra sa lamig. Nagamit man sang tawo ang kalayo agud maka-ubra sang sari-sari nga mga butang. Tungod man sa kalayo, naalsa sang tawo ang iya kaugalingon halin sa kaantasan sang mga sapat.